Аксубай

Аксубай районы

Рус Тат
Соңгы яңалыклар

Күпердә тишекме? Эшне рәтләргә була!

Сөлчә күпернең җәяүлеләр йөри торган өлешен төзекләндерүне бу атнада башладылар.

Күпернең җәяүлеләр өлешендәге тишеккә безнең хәбәрчебез очраклы рәвештә тап булган. Күпер төзүчеләр «җәяүлеләр» өлешен төзегән вакытта конструкция өстенә рубероид кебек материал кулланганнар дигән фикер туа. Ә астан бу башбаштаклык күренмәсен өчен, аны профнастил белән каплаганнар.

Без моны камерага төшереп кенә калмадык, фотоларны шунда ук шәһәр тибындагы бистә башлыгы урынбасары Алмаз Бакировка җибәрдек һәм аңа шалтыраттык.

Ул, көн кичкә авышкан булуга карамастан, шунда ук урынга килде һәм юлчылар белән элемтәгә керде, ә тегеләре исә – күпер төзүчеләр белән. Хәлне бәяләп, иртән күпер төзүчеләр күперне монтажландылар һәм бу куркыныч тишекне яптылар. Дөресен генә әйткәндә, без эш шуның белән тәмамланыр дип уйлаган идек. Әмма берничә көннән күпер өстендә юл хезмәте пәйда булды – эшчеләр җәяүлеләр өлешен тулысынча сүттеләр, аның култыксаларын да сүттеләр.

Күпер төзүчеләр күперләр ышанычлы төзелә, җәяүлеләр хәрәкәте өчен каралган өлешенә асфальт салынган булган, әмма вакыт узу белән ул җимерелә башлаган, дип әйттеләр. Бу хәлне тиз һәм ышанычлы итеп төзәтергә вәгъдә бирделәр – вакыт көтми, чөнки әлеге участок кергән төбәк юлының машиналар йөрү өлеше җәяүлеләр өчен куркыныч.

– Күпернең җәяүлеләр өлешен ремонтлауны кыска вакыт эчендә тәмамлаячакбыз, – дип шәрехләде Алмаз Бакиров. – Аксубайлыларны үзләренең гражданлык позицияләрен ешрак күрсәтергә чакырабыз – урамда, ишегалларында тәртипсезлекне күрдегез, нәрсәдер җимерелгән, зыян килгән, кайдадыр гомер һәм сәламәтлек өчен куркыныч яный икән – шәһәр тибындагы Аксубай бистәсе башкарма комитетына шалтыратыгыз. Шикаятьләрне, тәкъдимнәрне һәм проблемалы мәсьәләләрне кабул итәбез. 8 (8-4344) 2-75-82 телефоны буенча, ял көннәреннән тыш, көн саен эш сәгатьләрендә шалтыратырга мөмкин.

Следите за самым важным и интересным в Telegram-каналеТатмедиа

Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев