Аксубаево
  • Рус Тат
  • Казанда Сөембикә манарасының авышуын лазер ярдәмендә күзәтә башладылар

    Татарстан башкаласының архитектура символы дөньядагы авыша башлаган иң танылган манаралар рәтенә керә.

    Татарстан Мәдәни мирас объектларын саклау комитеты лазер сканеры ярдәмендә Сөембикә манарасының ай саен авышуына күзәтү ясады. Бу хакта ведомство җитәкчесе Иван Гущин хәбәр итте.

    «Вертикаль күчәрдән тайпылу критик ике метр тәшкил итә. Манара торышының мөмкин булган динамикасын билгеләү бүген аеруча актуаль. Тикшеренүләр нәтиҗәсен без 2021 ел ахырында алабыз», — диде Иван Гущин комитет коллегиясенең йомгаклау утырышында.

    Ул искә төшергәнчә, Татарстанга ЮНЕСКО исемлегенә керә торган Казан Кремлен дәүләт саклавы буенча вәкаләтләрне тапшыру турындагы тәкъдим Россия Мәдәният министрлыгы ярдәмендә гамәлгә ашырылган. Бу хактагы күрсәтмәне 2020 елның сентябрендә Россия Премьер-министры Михаил Мишустин имзалады.

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: