Кайнар элемтә

Наил Вәлиуллин:

Октябрь урамындагы күп катлы йортларның ишегаллары «Безнең ишегалды» программасы кысаларында төзекләндерелде. Сезнең газета ишегаллары алга таба да төзекләндереләчәк, ә сабыйлар өчен уен комплекслары урнаштыру белән генә чикләнмәячәк, дип язды. Аларны кайчан төзекләндерерләр икән?

Сорауга башкарма комитет җитәкчесе Станислав Зайцев җавап бирде:

–Әлегә барлык ишегалды территорияләре дә «Безнең ишегалды» программасы кысаларында төзекләндерелмәгән. Аларның күпчелегендә әлегә кадәр тротуар да, балалар өчен уен мәйданчыклары да юк. Шуңа күрә элегрәк эшләр башланган ишегалларында яшәүчеләргә көтәргә кирәк булачак. Ишегалларына, һичшиксез, әйләнеп кайтачакбыз, әмма башта барысын да беренче тапкыр төзекләндерәчәкбез.

Икенче сорау да шул ук газета укучыдан:

Безнең Комаров урамында «Сельхозтехника» каршындагы ЛМУ гамәлдә булган вакытта ук төзелгән кое бар. Быел кыш, трасса туңгач, без бөтен урамыбыз белән аннан хуҗалык ихтыяҗлары өчен су алдык. Әмма туңган җир торбаны кысып, әйтергә кирәк, кое түбәсенә кадәр чыгарып куйды. Урамда, нигездә, пенсионерлар яши, кое янә функциональ булсын өчен, түбәне сүтеп, торбаны яңадан «батырырга» кирәк. Моны без үз көчебез белән генә башкарып чыга алмыйбыз. Без бу сорауны шәһәр тибындагы бистә башлыгы урынбасары Андрей Сетровка юлладык, ул якын арада урынга чыгып, урам халкы белән очрашырга һәм безнең корреспондентны да сөйләшүгә чакырырга вәгъдә итте.

Анна Петрова:

2 нче мәктәп янында машиналар йөрү өлеше бик тар. Әлегә җәй, бу алай ук сизелми, әмма тиздән яңа уку елы башланачак, машиналар Мәктәп урамында иртән һәм уку көне тәмамланганнан соң берничә тапкырга арта. Биредә ике машинага бер-берсенә юл бирү бик читен, бигрәк тә кышын. Без сезнең газета аша бу сорауны шәһәр тибындагы бистә җитәкчелегенә юлны берьяклы итү үтенече белән биргән идек инде. Билге астына терәкне урнаштырдылар, пакет белән яптылар, карар чыгарырга һәм мәсьәләне хәл итәргә ышандырганнар иде. Әмма уку елы узды, алда – чираттагысы, ә йөк әле дә урынында.