Чиркәү һәм чишмә территориясендә чисталык һәм тәртип

Мәдәният хезмәткәрләре җитәкчелегендә авыл халкы җирле правослау чиркәве һәм чишмә территориясен чистарту, тәртип салу өчен чыкты. Бу – торак пунктта халык күп йөри торган урыннар, гадәттә яз көне кар астыннан кыш буена җыелган чүп-чар, коры үлән, кипкән яфраклар баш калкыта.

Өлкәннәр белән бергә шимбә өмәсендә балалар да катнашты. Алар һәркемнең өлеш кертүеннән туган авыллары тагын да чистарак, матуррак, уңайлырак булачагын аңлап, бар көчләрен куеп эшләделәр. Әйләнә-тирәдә шатлыклы, позитив мохит хөкем сөрде. Нәтиҗәдә – авыл халкына да, кунакларга да җирле гыйбадәтханә территориясендә булу, чишмәгә бару күңелле.

Фото: Иске Мокшино авыл мәдәният йорты архивыннан