Аксубаево
  • Рус Тат
  • Буыннар бәйләнешен тапшыралар

    Беловка авыл клубы вокаль коллективының атамасы авылда ага торган «Шур çăл» су чыганагы исеменнән барлыкка килгән (чуаш теленнән тәрҗемә иткәндә «чишмә» була).

    Авыл кешеләре табигатькә, әйләнәтирә мохиткә бик сакчыл мөнәсәбәттә. Алар җирле чишмәне төзекләндергәннәр, аны җәлеп итү урынына әйләндергәннәр. Шулай ук авылның вокаль ансамбле дә халык җырларын башкаруы белән тамашачыларны үзенә тартып тора.

    Тамара Андреева җитәкчелегендәге чуаш коллективы 2009 елда оешкан. Ансамбльдә Беловка авылының 35 яшьтән 55 яшькәчә хатын-кызлары катнаша. Аларның тырыш хезмәт нәтиҗәсе – Президент гранты акчасына тегелгән матур милли костюмнар. Чуаш халкының телен, мәдәниятен һәм тарихын саклау эшендә актив катнашканнары өчен ансамбль берничә тапкыр Рәхмәт хатларына һәм Мактау грамоталарына лаек булды.

    Коллектив районнан читтә дә билгеле, төрле бәйгеләрдә һәм фестивальләр дә күп тапкырлар катнашучы булды. Катнашучылар иң югары иҗади бурычларны хәл итәргә сәләтле.

    Беловка авылында 2001 елда оешкан «Деревенька» фольклор коллективы да эшли. Ул пенсия яшендәге ун кешене берләштерә. Төркемгә нигез салучы булып Тамара Андреева тора. Алар халык көйләрен, үз җирлекләре йолаларын һәм гореф-гадәтләрен яратучы, башкаруның башлангыч манерасын сакларга тырышучы инициативалы кешеләр.

    Коллектив гамәлдә булган елларда «өй туе», «туй», «армиягә озату» кебек традицион йолалар һәм горефгадәтләр куелды. Аларның иҗади эшчәнлеге тамашачыны битараф калдырмый, бәйрәм, шатлык мохите тудыра, уңай эмоцияләр бирә, җәмгыятьне рухи баета һәм буыннар бәйләнешен тапшыра.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: