Аксубаево
  • Рус Тат
  • Бүген Кадер кичәсенең фазыйләтләре турында онлайн лекция узачак

    Сорауларны Инстаграм социаль челтәрендә @islam_today_huzur аккаунты аша туры эфирда бирергә мөмкин. Алар татар һәм рус телләрендә кабул ителә.

    Бүген 15.00 сәгатьтә Islam-Today.ru мәгълүмати-аналитик порталының Инстаграмдагы @islam_today_huzur битендә чираттагы онлайн ачык лекция Кадер кичәсенең фазыйләтләренә багышланачак. Әлеге чарада ТР мөселманнары Диния нәзарәтенең шәригать мәсьәләләре буенча бүлек җитәкчесе, Казан шәһәре казые вазыйфаларын башкаручы, Коръән-хафиз Булат хәзрәт Мөбарәков чыгыш ясаячак. Бу хакта нәзарәтнең матбугат хезмәте хәбәр итә.

    Лекция кысаларында Булат хәзрәт тыңлаучыларга Кадер кичәсенең тарихы, бу кичәне безнең сөекле Пәйгамбәребез Мөхәммәд ﷺ ничек уздыруы, Кадер кичәсен ничек белергә, аның билгеләре, мөселманнарга бу төнне ни рәвешле үткәрү (догалар, намазлар уку, гыйбадәтләр кылу) кирәк булу һ.б. турында сөйләячәк.

    Сорауларны Инстаграм социаль челтәрендә @islam_today_huzur аккаунты аша туры эфирда бирергә мөмкин. Алар татар һәм рус телләрендә кабул ителә.

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: