Бүген без «Сельская новь» газетасының 90 еллык юбилеен билгеләп үтәбез

Озын 90 еллык чорны без бер юл аша уздык. Без үзебезнең укучыларыбызга – тугрылыклары һәм ышанычлары, ветераннарга традицияләрнең дәвамлыгы һәм зур тәҗрибәләре өчен рәхмәт белдерәбез.

Хакимият органнары һәм хезмәт коллективлары белән һәр көнлек үзара хезмәттәшлек турында да әйтеп үтәргә кирәк. Сезнең һәрберегезгә Советка һәм башкарма комитетка, полиция бүлегенә, урман хуҗалыгына, янгын частена, мәгариф һәм мәдәният бүлекләренә, Роспотребнадзорга, район үзәк хастаханәсенә, авыл җирлекләренә һәм башка бик күп партнерларыбызга хезмәттәшлек өчен зур рәхмәт белдерәбез.

Чын күңелдән «Сельская новь» коллективының һәр әгъзасын күркәм бәйрәм белән котлыйм.
Журналист – ул шундый һөнәр, еш кына син үз-үзеңә буйсынмыйсың, әмма зур җаваплылык тоясың. Безнең эш көне гадәти кешеләргә караганда иртәрәк башлана, еш кына безнең ялларыбыз булмый, хәтта отпуск та һәрвакытта да килеп чыкмаска мөмкин. Тик без геройлар түгел! Без үз полосаларыбыз геройлары өчен эшлибез һәм иҗа итәбез.

Безнең коллективта яшь буын да, тәҗрибәле хезмәткәрләр дә бар, ә без аларга тиңләшергә тырышабыз. Шунысы мөһим – без бер гаилә һәм шулай булып калабыз да, ә безнең төп нарасыебыз – ул безнең газета. Актуальлекне югалтмас, һәрчак трендта һәм алдынгы булу өчен без аңа үзебезнең бөтен көчебезне, сәләтебезне, позитив кәефебезне кертәбез.

Безнең коллектив – ул иҗади гына түгел, ә үз эшләренә гашыйк кешеләр, алар яраткан эшләрен хезмәт хакы өчен генә башкармыйлар. Алар бу эш белән яшиләр. Эшне грамоталы, җаваплы һәм күңел биреп башкару өчен үз көчләрен, дәртләрен биргән кешеләр. Без вакыт чакыруын кабул иттек – басманы үстерүне һәм параллель рәвештә үзебезнең электрон мәйданчыкларны – сайт һәм социаль челтәрләрне үзләштерүне дәвам итәргә.

Газетаның зур тәҗрибәсе һәм күп хезмәттәшләребезнең бай белем букчасы булган ныклы платформасы бар. Без күп эшләр башкардык, әмма тагын да күбрәк эшли алабыз!

Юбилеең белән, яраткан газетабыз! Юбилей белән, иҗади команда!

Барыгызга да иҗади уңышлар, кыюлык, авырлыклар алдында югалып калмавыгызны, сәламәтлек һәм «Сельская новь» газетасына озын гомер телим.

Людмила ЖАРЕНОВА, «ТАТМЕДИА» АҖ филиалы «Сельская новь» газетасы редакциясе җитәкчесе-баш мөхәррире.