Аксубаево
  • Рус Тат
  • Беренче тапкыр тавыш бирүче аксубайлы: әти йөрәк кушканны сайларга киңәш итте

    Аксубай районында 259 сайлаучы Россия Дәүләт Думасына сайлауларда беренче тапкыр тавыш бирә.

    Алар арасында Искәндәр Сафиуллин да бар. Сайлау участогына ул һәрвакыт актив гражданлык позициясе белән аерылып торган әтисе Рәмис Сафиуллин белән килгән.

    Быел Искәндәргә 18 яшь тулган, күп кенә карарларны ул мөстәкыйль кабул итә.

    Сайлауларга да аңлы рәвештә килде, гәрчә, әтисе аңа барыбер үз киңәшен биргән.

    – Гаделлек өчен тавыш бирәчәкмен. Әти миңа, йөрәгең кушканча сайла, диде, – дип уртаклашты Искәндәр.

    Территориаль сайлау комиссиясе мәгълүматларына караганда, 16 сентябрьгә районда 20972 сайлаучы теркәлгән. Тавыш бирү участокларына күпләр Сафиуллиннар кебек гаиләләр белән килә.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: