Аксубаево
  • Рус Тат
  • Атаклы «Катюша» җырын татарча һәм башка телләрдә башкардылар

    Халык арасында киң таралган хәрби җыр - «Катюша»ны Россиядә яшәүче халыкларның тугыз телендә башкардылар. Видеороликта төрле милләт балалары катнашты.

    Татар теленә җырның беренче ике юлын тәрҗемә иткәннәр. Куплетны шулай ук чуваш, чечен, кабарда, удмурт, калмык, мари, авар телләрендә, ә кушымтасын хор белән рус телендә башкардылар.

    Икенче Бөтендөнья һәм Бөек Ватан сугышы вакытында Кызыл Армия сафларына ТАССРда туып үскән һәм республикада яшәүче 700 мең кеше чакырылган, 378 мең кеше яу кырында ятып калган һәм сугыш елларында алган яралардан һәлак булган.

    Быел Татарстан һәм бөтен Россия Бөек Ватан сугышында Җиңүнең 77 еллыгын билгеләп үтә. Бүген ТР Президенты Рөстәм Миңнеханов республикада әлеге истәлекле датага әзерлек һәм аны үткәрү буенча оештыру комитеты утырышын үткәрде.

    Чыганак

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: