Аномаль эсселек аркасында Татарстанда 10 урман янгыны теркәлгән

Быел аномаль эсселек аркасында Татарстанда 10 урман янгыны теркәлгән. Бу хакта «Татар-информ»га ТР Урман хуҗалыгы министрлыгының матбугат хезмәтендә хәбәр иттеләр.

Аномаль эсселек аркасында, быел республика хакимиятенә кешеләрнең урманнарда булуына дүрт тапкыр чик куярга туры килде, ул әле дә гамәлдә. ТР Министрлар Кабинеты карары нигезендә, республикада гражданнарның урманнарда булуын һәм аларга транспорт чаралары кертүне 2 августтан 21 календарь көнгә чикләү кертелде.

Узган ел җәй дәвамында Татарстанда урманнарга баруга чикләүләр бер тапкыр кертелгән иде. Моңа кадәр өч ел дәвамында мондый чикләүләр кертелмәде. Әгәр төбәктә хәл яхшырмаса, янгын куркынычы сезоны төбәктә октябрьгә кадәр озайтылырга мөмкин.

Чыганак: tatar-inform.tatar