Актив яшьләр барысына да вакыт табачак
Кадрлар резервының XII сезонында катнашу өчен 1 667 кеше теркәлгән, аларның 1 103 се гариза кабул ителгән һәм бары 100 кеше генә проектның белем бирү этабына эләгәчәк.
Шул көннәрдә генә «Кадрлар резервы» республика яшьләр проектының XII сезонына гаризалар кабул итү кампаниясе тәмамланды. Татарстан республикасының 45 муниципаль берәмлегеннән яшь кешеләрдән 1103 гариза кабул ителде, аларның уртача яше 22 яшь иде.
Проект кысаларында өч этап узачак, аларның һәркайсы төп һәм дистанцион модульләрдән тора: дәүләт яшьләр сәясәтен үстерү, гражданлык җәмгыяте нигезләрен аңлау һәм социаль инновацияләр булдыру. Көндезге модульләр “Волга” яшьләр үзәгендә узачак. Беренче этап нәтиҗәләре буенча 22 муниципалитеттан 133 катнашучы сайлап алынган.
Аксубай балалар китапханәсе мөдире Анна Артемьева, катнашу өчен гариза биреп, «резервчылар» арасына керермен дип уйламаган да. Ул эксперт комиссиясе белән тест һәм әңгәмәне уңышлы узган. Аңа республика территориясендә тормышка ашырыла торган яшьләр проектлары кысаларында үз-үзләрен күрсәтү өчен мөмкинлекләр сайлау тәкъдим ителгән. Әгәр Анна барлык этапларны да узган йөз катнашучының берсе булса, проект дирекциясе Татарстан Яшьләр эшләре буенча министрлыгы ярдәме белән аны алга таба һөнәри яктан үстерүдә озатып барачак һәм дәүләт, муниципаль хакимият органнарында һәм төрле дәрәҗәдәге оешмаларда эшләргә тәкъдим итәчәк.
Фото: “Кадрлар резервы” республика проектының “ВК төркеме”ннән
Следите за самым важным и интересным в Telegram-каналеТатмедиа
Нет комментариев