Аксубайлының халыкара аграр күргәзмәдә тәҗрибә уртаклашыр сүзе бар иде

Составында авыл хуҗалыгы һәм азык-төлек идарәсе белгечләре, авыл хуҗалыгы предприятиеләре җитәкчеләре, КФХ башлыклары булган делегация Халыкара агросәнәгать күргәзмәсендә булып, агросәнәгать комплексының соңгы казанышлары белән таныштылар. Алар шулай ук авыл хуҗалыгы тармагын үстерүнең актуаль мәсьәләләре буенча фикер алышуда да катнаштылар.

Эшлекле чаралар кысаларында «Авыл эшкуарлыгын үстерү – авылны саклап калу нигезе (Россиянең иң яхшы практикалары)» темасына “түгәрәк өстәл” узды. КФХ башлыгы Ильяс Сөләйманов коллегалары белән 150 сыерга исәпләнгән роботлаштырылган сөт фермасы проектын гамәлгә ашыру тәҗрибәсе белән уртаклашты. Презентация күргәзмәгә килүчеләрдә зур кызыксыну уятты.