Аксубайлылар ТР җыелма командасына керделәр

Ярышлар самбо буенча Идел буе федераль округы Беренчелегендә катнашу өчен Татарстан җыелма командасына  сайлап алу туры булып торды. Ярышларда Аксубай балалар-яшүсмерләр спорт мәктәбе вәкилләре бик яхшы чыгыш ясады.

Очрашу нәтиҗәләре буенча Дмитрий Куклин (Аксубайның 3нче мәктәбе) һәм Илдус Камалов (Түбән Татар Майнасы урта мәктәбе) иң нәтиҗәлеләр рәтендә булдылар һәм республика җыелма командасына керделәр.

Апрель ахырында аларга республика данын Түбән Новгород өлкәсенең Кстово шәһәрендә җаваплы ярышларда якларга туры киләчәк.