Аксубаево
  • Рус Тат
  • Аксубайлы кул сугышы буенча Россия чемпионаты призеры булды

    Андрей Андреев 70 кг авырлык категориясендә өченче урынга лаек булган.

    Чемпионат Санкт-Петербургта узган. Андрей әлеге ярышларга моңа кадәр республика чемпионатында сайлап алу узып эләккән.

    Көрәш вакытында егет мәйдан хуҗасы – Санкт-Петербург шәһәре хәрби физик культура институты спортчысы белән очрашкан. Бу көрәштә Андрей көндәшенә җиңелгән. Ул бронза медальгә ия булган.

    – Бу ярышлар – минем өчен яңа тәҗрибә булды. Нигездә мин хәрби самбо белән шөгыльләнәм, – ди спортчы. – Ничек кенә булмасын, чемпионатта катнашу файдалы булды. Бу күнекмәләрне ныгыту һәм тәҗрибә туплау мөмкинлеге бирде.

    Исегезгә төшерәбез, Андрей Андреев – 3 нче Аксубай мәктәбен тәмамлаган. Аның беренче тренеры – Александр Скворцов, ул үз канаты астында күп кенә уңышлы спортчыларны тәрбияләде. Хәзер егет Әлмәт физик культура көллиятенең икенче курсында белем ала.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: