Аксубайда яшүсмерләр арасында баскетбол буенча ярышлар узды

Кичә «Юность» спорт залында баскетбол буенча финал уеннары узды. 18 яшькә кадәрле кызлар арасында ТР Беренчелеге ярышларына республикадан 8 командасы җыелды: Питрәч, Яңа Чишмә, Буа, Ютазы, Алексеевск, Аксубай районнарыннан, Яр Чаллы, Кама Аланы шәһәрләреннән.

Кызлар шәп уен күрсәттеләр. Җиңүләр дә, оттырулар да булды. Яр Чаллы командасы лаеклы уен күрсәтте һәм шул рәвешле мактау пьедесталының иң югары баскычына күтәрелде. Алексеевск кызлары бик азга гына көчсезрәк булып чыкты. Алар икенче урында. Буа районы командасы өченче урынны яулады.

Семен Яругин тәрбияләнүчеләре, күп күнекмәләр булуга карамастан, финалга үтә алмадылар. Алар алтынчы урында.