Аксубайда тавыш бирү көннәрендә куркынычсызлык турында фикер алыштылар

Объектларның куркынычсызлыгы һәм террорчылыкка каршы якланганлыгы аның төп темасы булды.

Ә ковидка каршы чараларга бәйле рәвештә, шулай ук, Роспотребнадзорның коронавирус инфекциясе таралуга юл куймау буенча таләпләре турында да фикер алыштылар. Чөнки Роспотребнадзор таләпләрен үтәү кысаларында тавыш бирү өч көн – 17,18 һәм 19 сентябрь көннәрендә оештырылачак.

Аксубай янгын сүндерү һәм коткару гарнизоны җитәкчесе Руслан Ибляминов хисап тотканча, барлык Бердәм тавыш бирү көнен үткәрү объектлары да янгын куркынычсызлыгын һәм террорчылыкка каршы яклану чараларын үтәүгә тикшерелгән.

Россия ЭЭМның Аксубай районы буенча бүлеге җитәкчесе Илгиз Алмакаев мәгълүматларына караганда, сайлау участокларын полиция хезмәткәрләре һәм кинологлар хезмәте тикшерәчәк. Ә тавыш бирү көннәрендә участокларда хокук тәртибен полиция хезмәткәрләре тәэмин итәчәк.

Роспотребнадзорның Аксубай районындагы идарәсе баш белгеч-эксперты Андрей Тимирясов санитария таләпләрен үтәү турында сөйләде, аерым алганда, халык күпләп җыела торган урыннарда битлек режимын һәм дистанция саклау мөһимлеге турында искәртте.

– Без район территориясендә кешеләрнең иминлеге, гомере һәм сәламәтлеге өчен җаваплы. Хезмәтләргә һәм ведомстволарга куркынычсызлык чараларын төгәл үтәргә киңәш итәм, – дип нәтиҗә ясады район башлыгы.