Соңгы яңалыклар
Аксубайда Бөек Ватан сугышында һәлак булган батырларны искә алдылар
Хәтер һәм кайгы көне алдыннан «Хәтер шәме» традицион акциясе узды.
Чарада бистә халкы, оешма, предприятие җитәкчеләре һәм хезмәткәрләре катнашты. Район башлыгы Камил Гилманов билгеләп үткәнчә, бу көн иң истәлекле көн.
- Без тарихыбызны, үткәнебезне онытмыйбыз, якты киләчәк өчен гомерләрен биргән каһарманнарның хәтерен хөрмәтлибез, безнең ил халкы җиңелмәс. Без бу дәһшәтле сугышта җиңүчеләрнең киләчәк буыннары булуыбыз белән горурланабыз, - дип ассызыклады ул.
Акциядә катнашучылар сугышта башларын салган солдатларны бер минутлык тынлык белән искә алдылар, шулай ук "хәтер шәмнәрен" кабыздылар һәм аларны мемориаль-һәйкәл янында урнаштырдылар.
Следите за самым важным и интересным в Telegram-каналеТатмедиа
Нет комментариев