Аксубаево
  • Рус Тат
  • Аксубай юл хезмәткәрләре марканы төшерми

    Бүген юл хезмәткәрләре үзләренең һөнәри бәйрәмнәрен билгеләп үтәләр.

     

    Рәсми тел белән әйтсәк, «Татавтодор» АҖнең Аксубай филиалы хезмәткәрләре автомобиль юллары төзиләр, үзгәртеп коралар, ремонтлыйлар, карап тоталар, юлтөзелеш материаллары ташыйлар. Быел күпләрдә Аксубай юлчылары бөтен җирдә – урамнарда, тыкрыкларда, бистәара юлларда, төбәк әһәмиятендәге трассаларда эшлиләр дигән фикерләр туды.

    – Бу төзелеш сезонында юлчылар район территориясендә зур күләмдә эшләр башкардылар. Юллар төзү һәм ремонтлау проектларын гамәлгә ашыру кысаларында 634 миллион сумнан артык акча үзләштерелде. Район автомобиль юлларын карап тоту буенча башкарылган эшләр өчен 65 миллион сумнан артык акча тотылды. Асфальтбетон заводының Аксубай һәм Чирмешән районнары объектлары өчен чыгарылышы 58 890,7 тонна тәшкил итте, – дип шәрехләде филиал җитәкчесе Фәнис Сафин.

    Юлчылар көн саен без юллар буйлап уңайлы һәм куркынычсыз хәрәкәт итә алсын өчен барысын да эшлиләр. Быел җәй филиал хезмәткәрләре өчен икеләтә кайнар чор булды. Эсселек 40 градустан артты. Ә җәйгәндә асфальтның температурасы плюс 160 градуска кадәр җитә. Әмма алар срокны да, күләмне дә үтәделәр, объектларны тапшырып, эш сыйфатын да расладылар. Районның баш юлчысы билгеләп үткәнчә, быелгы сезонда һава торышы алар өчен бик уңай килде. Хәер, хезмәткәрләр экстремаль шартларда эшләделәр дип әйтергә була.

    Иң зур эш күләме Аксубай-Федоровка-Яңа Ибрай (Яңа Тимошкино һәм Иске Ибрай авыллары арасында) юлы участогында башкарылды – 9,372 километр асфальт түшәлде. Биш километрга якын ЧистайАксубай-Нурлат-Түбән Татар Майнасы юлының түбән катламы ремонтланды.

    Төбәк әһәмиятендәге автомобиль юлларын ремонтлау программасы буенча КузайкиноНурлат автомобиль юлының ике километры, Аксубай-Федоровка трассасының – 4,803 километры, Чистай-Аксубай-Нурлат юлының 1,659 километры ремонтланды.

    Сезон дәвамында без район үзәгендә юлларны ремонтлану һәм төзү эшләренең барышы турында яздык. Гомуми файдаланудагы юлларны ремонтлау буенча муниципаль программаларны тормышка ашыруга юнәлдерелгән эшләр кысаларында Пушкин, Нефтьчеләр, Кызыл Партизан, Яшьләр, Тукай, Пролорусов- Шелеби, Комлык, Березовская урамнарында һәм Ерепкино авылында (тукталыш автопавильоны) асфальт түшәлде. Самаренкин, Каенлык, Ураков, Заречная урамнарында, Иске Татар Адәмсуы авылының Үзәк урамында юллар кичү тибында ремонтланды.

    Аксубайның үзәк урамнары – Совет һәм Ленин урамнарында асфальт-бетон өслекле юлурам челтәре тиешле тәртипкә китереп төзекләндерелде. Күпләр берәр юл участогында ремонт барган вакытта гына юлчылар хезмәтенә игътибар итәләр. Яисә асфальт түшәлгәч кенә. Гәрчә, хәтта кечкенә генә участокта да эш башыннан алып тәмамланганчыга кадәр күпме эшләр башкарыла, уннарча берәмлек техника һәм кешеләр җәлеп ителә.

    Бу юлларны кемнәр төзи һәм ремонтлый соң?

    Аксубай юлчылар филиалы штатында – 120 кеше, алар төрле һөнәр ияләре һәм белгечләр. Без юл хезмәткәрләре турында һәр сезонда язабыз һәм традиция буенча – һөнәри бәйрәм уңаеннан да. Районның баш юлчысы Фәнис Сафинга тиешле бәя бирергә кирәк, ул һәрвакыт коллективның бердәм механизм булып эшләвен билгеләп үтә һәм барысы да мактауга лаек дип саный. Бәйрәм алдыннан Аксубай юлчыларының хезмәтен югары җитәкчелек тә билгеләп үтте. Транспорт һәм юл хуҗалыгы министрлыгының Мактау грамотасына кадрлар буенча инспекторы Фәридә Низаева лаек булды, склад мөдире Илнар Сафиуллинга, автогрейдер машинисты Илфат Миңнехановка, машина йөртүче Сергей Ласточкинга, төягеч машинисты Ринат Кәлимуллинга ведомствоның Рәхмәт хатлары тапшырылды.

    «Татавтодор» җитәкчесе машина йөртүчеләр Рәис Сабиров, Рамил Садыйков, Александр Барсуков, Ришат Сабиров, юл хезмәткәре Валерий Ярославлев, мастерлар Денис Пименов һәм Александр Якушкин, шофер Геннадий Явгаев, каток машинисты Юрий Овчинниковлар хезмәтен билгеләп үтте.

    – Һөнәри бәйрәмебез алдыннан иң җылы сүзләрне коллективка гына түгел, шулай ук хөрмәтле ветераннарга да җиткерәсе килә. Гәрчә без күпкә алга атласак та – бездә асфальт җитештерү буенча заманча завод эшли, филиал кирәкле барлык автомобильләр һәм юл төзелеше механизмнары белән җиһазланган. Әмма без ветераннар нигез салган данлы традицияләрне дәвам итәбез һәм Аксубай юлчыларының маркасын сакларга тырышабыз, – дип нәтиҗә ясады Фәнис Сафин.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: