Аксубай урманчылары урманнарны чистарталар

Аксубай урманчылыгы хезмәткәрләре санитар-экологик икеайлык һәм «Татарстанның чиста урманнары» республика табигатьне саклау акциясе кысаларында берничә чара үткәрделәр инде.

Аксубай урманчылыгы һәм участок урманчылыклары хезмәткәрләре ял итү урыннарын – беседкалар территорияләрен чистарттылар, агач корылмаларны тәртипкә китерделәр. Шулай ук алар административ биналар янындагы территорияне дә чүп-чардан арындырдылар.

Алда әле аларны бик күп эшләр көтә. Урманда җир тулысынча кипкәч, урманчылык хезмәткәрләре урман кишәрлекләреннән, шулай ук авыллар янындагы урман полосаларыннан чүп-чарны җыештырырга чыгачак. Урманчылар авыл җирлекләрендәге  әйләнә-тирә мохит торышына битараф булмаган гражданнарны да акциядә катнашырга чакыралар. 

Фото: Аксубай урманчылыгы архивыннан.