Аксубай урманчылары семинарларда эшләренә нәтиҗә ясыйлар

Мондый очрашуларда төрле юнәлешләр буенча дәүләт заказларын үтәүгә йомгак ясала. Пәнҗешәмбе көнне Чабаксар, Ибрай участок урманчылыкларында эш торышы турында фикер алыштылар. Киләсе сишәмбегә чара Аксубай участогында планлаштырылган.

Урманчылык белгечләре, участок урманчылары һәм урман мастерлары урманнарны кисеп, аралап тәрбияләү участокларында, яшь урман культуралары утыртылган участокларда булдылар, питомникларны карадылар, хезмәттәшләренең эшенә бәя бирделәр. Семинар соңында участок урманчылары 8 айдагы эшчәнлек нәтиҗәләре турында хисап белән чыгыш ясадылар.

Фото: Аксубай урманчылыгы архивыннан.