Аксубай укучылары укырга да, рәсем ясарга да яраталар

Балалар әсәрләр һәм әкиятләрнең яраткан геройларын бик теләп рәсемгә төшерәләр.

Авыл китапханәсендә бу бәйгегә йомгак ясалды. Социаль челтәрләрдә иң күп лайкны, шәрехнамәләрне һәм карауны Милана Иванова җыйды. Икенче урында – Вадим Семенов, Есения Майорова өченче призер булды. Алар призлар алдылар.

– Бәйге безнең яшь китап укучыларыбызның иҗатка ничек тартылуларын күрсәтте, – ди авыл китапханәчесе Татьяна Максимова. – Алар укырга да, рәсем ясарга да яраталар. Һәр рәсемдә геройга мөнәсәбәт, баланың үз карашы чагылдырылган. Балаларның эшләре бик кызыклы, эчтәлекле килеп чыккан. Димәк, һәр катнашучы – җиңүче.

Фото: Урмандеево авыл китапханәсе архивыннан.