Аксубай укучылары сәламәт булуның модада булуын беләләр

Гомумроссия наркотикларга каршы акциясе кысаларында Аксубай үзәк китапханәсе һәм балалар китапханәсе яшь китап укучылар өчен «Сәламәт булу – модада» дигән бик кызыклы уен оештырды. Интеллектуаль викторинада район үзәге мәктәпләре укучылары катнашты. Уен барышында балалар сәламәт яшәү рәвеше турындагы белемнәре белән уртаклаштылар, начар гадәтләрнең организмга нинди зыян китерүе турында сөйләделәр. Сорауларга җавапларның кайсыберләрен балалар сәламәт яшәү рәвеше турындагы даими басмалардан эзләделәр. Яшь аудитория белән ышанычлы, формаль булмаган мохиттә аралашып, китапханәчеләр наркомания, алкоголизм һәм тәмәке тарту проблемаларына аерым игътибар бирделәр.

Фото: китапханә архивыннан.