Аксубаево
  • Рус Тат
  • Аксубай укучылары редакциядә үз бүләкләрен алдылар

    «ТАТМЕДИА» АҖ филиалы район газетасы редакциясендә «Коррупциягә каршы – бергәләп!» балалар рәсемнәре бәйгесе призерларын бүләкләү булды.

    Коррупциягә каршы тәрбия чаралары кысаларында районда газета редакциясе тарафыннан коррупциягә каршы тору комиссиясе белән берлектә оештырылган «Коррупциягә каршы – бергәләп!» балалар рәсемнәре бәйгесе узды. Онлайн-тавыш бирү иң яхшы эшләрне – өч призерны билгеләде. Алар барысы да бүләкләү тантанасында катнаштылар.

    «Татмедиа» АҖ филиалы район газетасы җитәкчесе-баш мөхәррире Людмила Жаренова призерларны бәйгедә җиңүләре белән котлады, укуда һәм иҗатта уңышлар, тормышларында ришвәтчелек гамәлләренең азрак булуын һәм аларның бу тискәре гамәлгә каршы тора алуларын теләде.

    – Сезнең әниләрегез белән бергә килүегез бик күңелле, – дип ассызыклады ул. – Ата-ана ярдәме бик мөһим.

    Район башлыгының коррупциягә каршы тору мәсьәләләре буенча ярдәмчесе Эльмира Крайнова бәйгедә катнашканнары өчен балаларга рәхмәт әйтте.

    – Без мондый бәйгеләрне коррупциягә каршы дөньякүләм караш тәрбияләү өчен уздырабыз, – дип ассызыклады ул. – Сез яшьтән үк коррупциянең начар гамәл булуын аңларга тиеш. Сезне чын күңелдән җиңү белән котлыйм!

    «Коррупциягә каршы – бергәләп!» рәсемнәр бәйгесендә беренче урын өчен «Татмедиа» АҖ филиалы район газетасы редакциясеннән грамотага һәм коррупциягә каршы тору буенча район комиссиясеннән истәлекле бүләккә Елизавета Инзерева (2 нче Аксубай мәктәбе) лаек булды. Икенче урын өчен – Арина Протасовага (3 нче Аксубай мәктәбе) һәм өченче урын өчен Лилия Хөсәеновага (Яңа Кармәт башлангыч мәктәбе) шундый ук грамота һәм бүләк тапшырылды.

    – Без алга таба да күп кенә кызыклы, иҗади бәйгеләр һәм акцияләр уздырачакбыз, катнашыгыз, җиңегез, – дигән теләк белдерде район газетасы баш мөхәррире.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: