Аксубаево
  • Рус Тат
  • Аксубай ТР баскетболчыларын кабул итте

    Аксубайда республика мәктәп укучылары Спартакиадасы зачетына яшь спортчылар арасында баскетбол буенча ТР беренчелеге булды.

     Ярышлар дүрт көн дәвамында барды. Татарстанның Кама аръягы зонасының 12 районы вәкилләре Аксубай мәйданчыгында көч сынаштылар.  Безнең районны район үзәге һәм Иске Мокшино урта мәктәбе җыелма командасы баскетболчылары тәкъдим итте. Матчлар киеренке рухта барды. 

    –Безнең команда өчен бу ярыш җиңел булмады. Безнең кызлар 5 уенда өч команданы җиңделәр. Финал уеннарының соңгы очрашуында аларга  көндәшләрен җиңәр өчен  берничә секунд вакыт җитмәде, шул сәбәпле призлы урыннарны яулый алмадылар, - дип сөйли тренер Фәрхәд Гайнуллин.  

    Нәтиҗәдә,  беренче урынны  - Алексеевск районы баскетбол дружинасы яулады, икенче урында  - Буа,  өченче урында  - Спас районы уенчылары булды.  Матчлар тәмамлангач бүләкләү тантанасы үтте.  Җиңүче командалар  медаль һәм грамоталар алдылар. 
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: