Аксубай районының яшь гаиләләре шәхси торак сатып алганда ташламалардан файдалана алалар

Яшьләр көненә багышланган чаралар кысаларында Татарстан Республикасы Яшьләр эшләре һәм спорт министрлыгының YouTube каналында #ЖильеМолодымРТ тапшыруы турыдан-туры трансляцияләнәчәк. Ул 28 июньдә 17:45 сәгатьтә узачак.

Экспертлар һәм министрлык вәкилләре яшьләргә ярдәм итү чаралары, яшь гаиләләр өчен үз торакларын сатып алуда дәүләт ташламалары турында сөйләячәкләр.

Алар түбәндәге сорауларга җавап бирәчәкләр:

• «Яшь гаиләләрне торак белән тәэмин итү», «Авыл территорияләрен үстерү» федераль программалары буенча торак бәясенең 30 проценттан 80 процентына кадәр субсидияне ничек алырга?
• Яшь белгечләргә фатир яки үз йортын сатып алганда нинди ташламалар бар?
• Яшьләр өчен дәүләт программалары ярдәмендә ташламалы ипотеканы ничек алырга?
• Яшь гаиләләргә һәм яшьләргә торак шартларын яхшыртуда дәүләт ярдәме программалары субсидиясен алуга нинди документлар җыярга кирәк һәм ничек дөрес һәм тиз алырга?

Шулай ук турыдан-туры эфир барышында катнашучылар экспертларның барлык сораулар буенча да җавапларын, торак сатып алганда субсидия һәм ташламалар алуда дәүләт ярдәменнән тиз һәм проблемасыз файдаланып калырга ярдәм итәчәк мәгълүматны алачаклар.

#ЖильеМолодымРТ туры эфирында онлайн катнашырга да була, моның өчен үз гаджетыннан сылтама буенча да, шулай ук рәсми мәйданчыкта да катнашырга мөмкин – ул дүшәмбе, 28 июнь көнне 17:45 сәгатьтә хакимиятнең зур залында узачак.