Аксубай районының Мюд ындыр табагында уракка көйле әзерләнәләр

Техник арсеналны ремонтлау да, территориядә тәртип салу да бер үк мөһим. Бүген «Аксу Агро» авыл хуҗалыгы предприятиесенең «Мюд» бүлекчәсендә эшнең кызган чагы.

Ремонтчы-машинистлар Рамил Сидуллин, Аркадий Наумов, Николай Ихтонов, Владимир Петров, шулай ук аларга ярдәм итүче эшчеләр Юрий Иванов, Владимир Молоткин, эретеп ябыштыручы Ринат Ханиев ашлык чистарту машинасын сафка бастыруны төгәлләп киләләр. Коллективның көйле эшләве аркасында, яңа уңыш ашлыгын кабул итүгә әзерлек ахырына якынлаша.