Аксубай районында юл-транспорт һәлакәтенә эләккән малайны Республика клиника хастаханәсенә салдылар

Аксубай ЮХИДИ бүлеге мәгълүматлары буенча хәбәрне тикшерү барышында ачыкланганча, юлтранспорт фаҗигасы 8 май көнне 4 сәгать 30 минутта Чистай-Аксубай-Нурлат-Шәрбән автомобиль юлының 2 нче чакрымында килеп чыккан. «Тайота Альпард» автомобиле руле артында малайның әтисе булган, ул юл хәрәкәте иминлеген тәэмин итә торган тизлекне арттыра һәм каршы юнәлештәге юл читенә төшеп китә.

Малайны «баш миенә зыян килү» диагнозы белән хастаханәгә салганнар.

Аксубай ЮХИДИ бүлегендә хәбәр итүләренчә, Юлтранспорт һәлакәте китереп чыгарган шоферның машина йөртү стажы – 17 ел, соңгы календарь ел агымында ул ТРда юл хәрәкәте кагыйдәләрен бозган өчен 44 (!) тапкыр административ җаваплылыкка тартылган.