Аксубаево
  • Рус Тат
  • Аксубай районында коронавирусның 1 яңа очрагы ачыкланган

    Пандемия башланганнан бирле республикада барлыгы 7 мең 692 Covid-19 очрагы теркәлгән.

    Узган тәүлектә Татарстанда Covid-19 йоктыруның 38 очрагы теркәлгән. Өч очрак читтән килгән, ә калганнары контакт юл белән йоктырылган. Бу хакта коронавирус таралуга каршы көрәш буенча оператив штаб хәбәр итте.

    «Сигез пациент хастаханәдә, 30 кеше өйдә дәвалана», — диделәр штабта.

    Авыручыларның иң күбе 30-50 яшьлекләр — алар 17 кеше. Вирус йоктыручылар арасында өч бала бар, 80 яшьтән өлкәнрәк бер генә кешедә дә коронавирус ачыкланмаган.

    Авыручыларның иң күбе Казанда булган. Монда 32 кеше вирус йоктырган. Шулай ук Чаллы, Югары Ослан, Нурлат һәм Тәтеш районнарында да икешәр очрак теркәлгән.

    Пандемия башланганнан бирле, Татарстанда 7мең 692 кеше коронавирус инфекциясе белән авырган. Алар арасыннан 6 мең 579 пациент дәваланып беткән, шул исәптән 95 кеше узган тәүлектә терелгән. 

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: