Аксубай районында COVID белән авыручылар саны арта

Әгәр моңа кадәр сан унбер чигендә торган булса, соңгы атнада исә үсеш күзәтелде.

– Хәл тотрыклы булса да, проблема кала бирә, – дип шәрехли Аксубай район үзәк хастаханәсе баш табибы Марсель Ислямов. – Без бу вирус белән яшибез, үзеңне куркыныч астына куймас һәм яңа коронавирус инфекциясе йоктырмас өчен, битлек-перчатка режимын максималь рәвештә үтәргә кирәк.

Роспотребнадзор мәгълүматларына караганда, авыруны җиңел формада кичерүчеләр өйдә, медиклар күзәтүе астында дәваланалар.

Бүгенге көндә 11 кеше сәламәтләнгән, 6 кеше өйдә дәвалана, 1 кеше – стационар дәвалауда. Короновирус буенча чикләү чараларының шактые бетерелсә дә, белгечләр барлык куркынычсызлык чараларын үтәргә, кулларны һәм битләрне сабын белән ешрак юарга, җәмәгать урыннарында социаль дистанцияне үтәргә киңәш итә.

Фото