Аксубай районында чәчү эшләре колач җәя

Район авыл хуҗалыгы һәм азык-төлек идарәсе мәгълүматларына караганда, бүгенге көндә район буенча 2600 гектар сабан культуралары чәчелгән. Шул исәптән 2508 гектар арпа (план буенча 10219 гектар). Район игенчеләре кичә генә дә бу культураны 1700 гектардан артык мәйданда чәчтеләр. Шулай ук борчак чәчү бара. Бүгенге көндә бу кузаклы культура 191 гектарда (план – 3800 гектардан артык), гәрчич – 92 гектарда (план – 463 гектар) чәчелгән.

«Аксу Агро» ҖЧҖнең кыр уңганнары бөртекле сабан культураларын чәчүне көчле темпларда алып баралар. Алар исәбендә 2000 гектардан артык чәчелгән мәйданнар. «Волга-Селект», «Раздолье» ҖЧҖ кырларында да чәчү эшләре активлаша.