Аксубай районы урманнарын янгыннардан саклыйк

Янгын куркынычы янаган чорда табигать сөючеләргә урман янгыннарын кисәтү буенча берничә чара үтәргә кирәк.

Аксубай урманчылыгының дәүләт урман инспекторлары район гражданнарын әйләнә-тирә мохитнең иминлегенә кагылышлы эш булганда уяу булырга чакыра. Район урманнарын янгыннан саклау өчен, сүндерелмәгән шырпы, тәмәке, шулай ук пыяла, пыяла шешәләр ташларга ярамый, чөнки эссе һавада пыяла кызып, аның астындагы коры яфраклар янып китәргә мөмкин. Урманда ут кабызырга ярамый. Урманда очраклы рәвештә янгын чыгуын күреп алганда – шунда ук бу хакта урманчылыкка хәбәр итәргә кирәк.