Аксубаево
  • Рус Тат
  • Аксубай районы социаль хезмәткәрләре ярдәмгә мохтаҗ һәркемгә йөрәк җылыларын биреп эшлиләр 

    Социаль хезмәткәрләр һөнәре кешеләргә адреслы ярдәм күрсәтүне генә түгел, кешенең кешегә карата гуманлы мөнәсәбәтен дә үз эченә ала.

    Социаль эштә мәрхәмәт, шәфкатьлелек һәм яшәү зирәклеге мөһим роль уйный. Ольга Николаевна Уткина 19 ел инде халыкка комплекслы социаль хезмәт күрсәтү үзәгенең гаиләгә һәм балага социаль ярдәм бүлекчәсендә социаль эш буенча белгеч булып эшли. Аның төп эшчәнлеге - гаиләләр белән эшләү.

    Аның карамагында социаль куркыныч хәлдә булган, авыр тормыш хәленә юлыккан һәм мөмкинлекләре чикле балалар тәрбияләүче гаиләләр. Аның эшендә кешеләрдә иртәгесе көнгә ышаныч уяту, барлык мәсьәләләрдә дә четерекле булу сорала. Ольга Уткина гаиләләргә консультация ярдәме күрсәтә. Ул үзенә йөкләнгән барлык бурычларны намус белән, үз вакытында һәм җаваплы башкара. Аның эшендә гаилә һәм балалар проблемаларын аңлау үтә дә мөһим.

    Ольга Николаевна, бала булсынмы, тормышка аяк баскан олы кеше булсынмы, һәркайсы өчен җан ата. Нинди дә булса проблеманы тирәнтен аңлау һәм дөрес хәл итү өчен, ул аны үзенең йөрәге аша үткәрә.

    Аның гаиләсендә дә бар да тәртиптә, тормыш иптәше белән бер-берсен ярты сүздән аңлап яшиләр, ике бала тәрбияләп үстергәннәр. Балаларының икесе дә лаеклы белем алганнар һәм тормышта үз урыннарын тапканнар. 

    Фото: "Нежность" үзәге архивыннан

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: