Аксубай районы халкы җыештыру өмәләрендә актив катнаша

Авыл халкы инициатива күрсәтеп, өмәгә чыкты һәм зур территорияне чүп-чардан, коры үләннән, агач-ботаклардан чистартты. Өмәдә олысы да, кечесе дә катнашты – мәктәп укучылары да, ир-атлар да, хатын-кызлар да, пенсионерлар да.

Чүпне төяп түгү өчен тагылма белән шәхси транспорт, арбалы тракторлар да җәлеп ителде.

Кисалылар авыл тормышында актив катнашалар һәм алга таба балалар мәйданчыгы, тренажерлар белән спорт мәйданчыгы төзү буенча үз фикерләрен белдерәләр.

– Бергәләп күп кенә проблемаларны хәл итәргә була, – диде авыл җирлеге башлыгы Алексей Макаров һәм авыл халкына өмәдә катнашкан өчен рәхмәт белдерде.

Фото: Яңа Аксубай авыл җирлеге архивыннан