Аксубай район мәдәният йорты «Минем авылым тарихы» проектын башлап җибәрде
Район оешуның 90 еллыгына социаль челтәрләрдә видеотасмалар трансляцияләнә башлады, анда һәркем безнең авыллары тарихы һәм үзләренең кече ватаннарын таныткан күренекле шәхесләр турында белә ала.
Беренче булып проектны Түбән Татар Майнасы авылы халкы ачып җибәрде. Алар сценарийны булдыру, фильмны кую өстендә актив эшләгәннәр. Видеотасма авторы Ләйсән Нәҗметдинова бөтен идеяләрне бергә туплый алган.
Видеотасманы төшерүче Валентина Мартынова, режиссер һәм сценарист Екатерина Копонева, Маргарита Князькова һәм Полина Копарева проектка үз карашларын керткәннәр. 35 минутлык видеода алар Түбән Баланда авылы тарихы, анда яшәүчеләр турында бәян итә һәм табигать матурлыгын күрсәтә алганнар.
Кәкре Күл, Емелькино, Такталы, Октябрь, Культура һәм III Интернационал авыллары тарихын да шулай ук Аксубай район мәдәният йортының рәсми битендәге Вконтакте социаль челтәрендә карарга мөмкин. Бәлки кемдер әлеге сюжетларда үзен табар, ә кемдер үзенең танышларын һәм туганнарын таныр.
Следите за самым важным и интересным в Telegram-каналеТатмедиа
Нет комментариев