Аксубай приюты кызлары малайларга каршы көч сынашты

 “Хыял” балалар һәм үсмерләр социаль приютында «Көчле, кыю, оста» исеме өчен ярышлар узды. Кызлар малайлардан ким булмауларын расларга тырыштылар. Алар бик теләп малайларга каршы ярышларда катнаштылар.

Программа бик мавыктыргыч булды. Үзеннән соң күтәренке кәеф һәм дәрт калдырган сәгать ярым уен сизелми дә үтте. Тәрбиячеләр балалар өчен зирәклеккә, көч сынашуга һәм җитезлеккә бәйгеләр оештырганнар. Әлбәттә инде, ярышларда малайлар җиңде. Әмма алар кызлардан бер баллга гына өстен булды. Моннан беркемнең дә кәефе төшмәде. Кызлар җиңәргә генә түгел, лаеклы җиңелә дә белергә кирәклеген яхшы беләләр.

Фото: ”Хыял” балалар йорты архивыннан