Аксубай полицейскийлары кулларына тырмалар һәм себеркеләр  алдылар

Бүлек бинасы янында полиция участок вәкилләре дә, җинаятьчеләрне эзләү бүлеге, дежур часть хезмәткәрләре дә тулы составта эшләде.

Полиция җитәкчесе урынбасары Владимир Семенов аңлатканча, җыештыру өмәсе эшкә комачауламый. Ә саф һава сәламәтлек өчен файдалы. Полицейскийлар көздән калган яфракларны җыештырдылар, территорияне себерделәр, бардюраларны агарттылар, коймаларны буядылар.

Бүлек бинасында да санитар көн үткәрелде – коллективтагы хатын-кызлар  тәрәзәләрне һәм стеналарны юдылар.