Аксубай китапханәсендә Кәкре Күл мәктәбе укучылары Россия көнен билгеләп үттеләр

Россия көне бәйрәме алдыннан Советлар Союзы Герое Г.Г. Романов исемендәге Кәкре Күл урта гомуми белем бирү мәктәбенең мәктәп яны лагеренда ял итүче укучылары балалар китапханәсендә булдылар.

Укучылар Аксубай үзәк китапханәсе буйлап экскурсия ясадылар. Алар балалар, Гаилә китапханәсе, хезмәт күрсәтү бүлеге эше белән таныштылар, мини-музейда ХХ гасыр китапханә техникасы экспонатларын зур кызыксыну белән карадылар.

Яшь кунаклар балалар китапханәсендә тукталдылар. Биредә алар «Книжная улыбка лета» җәйге акциясе турында белделәр, китап күргәзмәләренә библиографик күзәтү тыңладылар.

Китапханәчеләр алар белән «Нет родины в мире светлей» дигән патриотик сәгать үткәрделәр, аның барышында балалар «Наша Родина – Россия» дигән презентация карадылар. Презентация вакытында балалар тантаналы рәвештә Туган ил гимнын башкардылар, әңгәмәдә актив катнаштылар, үзләренең күзаллауларын күрсәттеләр.

Фото: Аксубай балалар китапханәсе архивыннан.