Аксубаево
  • Рус Тат
  • Аксубай китапханәчеләре сәламәтлекләре чикле язучылар турында сөйләделәр

    Халыкара инвалидлар көне алдыннан Аксубай үзәк китапханәсе хезмәткәрләре «Нежность» халыкка хезмәт күрсәтү комплекслы үзәгендә булдылар.

    Ял итүчеләр һәм социаль хезмәтләр алучы яшь кешеләр өчен бу очрашу бик күп яңалыклар ачты. Китапханәчеләр мөмкинлекләре чикле язучылар әдәбиятыннан торган "Язмышка бирешмәгән" дип исемләнгән китаплар күргәзмәсен тәкъдим иттеләр. Алар арасында: Николай Островский, Александр Беляев (язучы фантаст), Владислав Титов, Эдуард Асадов, Гакыйль Сәгыйров, Фәнис Яруллин, Илдар Хәйруллин, Алан Маршалл (Австрия язучысы) бар.

    Чараны алып баручы очрашуда катнашучыларга бу язучыларның тормышы һәм иҗаты турында сөйләде, аларның һәркайсына үз әсәрләрен иҗат итү һәм тормыш өчен көрәшү өчен гаять зур кыенлыкларны җиңеп чыгарга туры килүен, физик җитешсезлекләрнең кешегә актив, тулы канлы тормыш белән яшәргә, үз максатларына ирешергә, иҗат итәргә, уңышлы булырга комачауламавын билгеләп үтте. Яшь тыңлаучыларда бу лекция зур тәэсирләр калдырды.

    Фото: Аксубай үзәк китапханә архивыннан.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: