Аксубай газетасы ат спорты турында да язган

Сезнең игътибарга тренер-ат яратучы В.Бударагин имзасы белән «Җилдән җитез» дигән баш астында басылып чыккан мәкаләне тәкъдим итәбез.

«Агымдагы елның өч ае дәвамында – июльдән башлап октябрьгә кадәр «Октябрь», Сталин исемендәге һәм «Верный путь» колхозларының яшь юртаклары Казан ипподромында тренировкаларда булдылар. Алар барысы да 1956 елда туган.

Өч яшьлек атлар арасында 1600 метрга кадәр узышта безнең районның чабышкы атлары арасында «Октябрь» колхозыннан «Пафос» кушаматлы айгыр беренче урынны яулады. Бу дистанцияне ул 2 минут 22 секунд вакыт эчендә узды. Сталин исемендәге колхозның «Поединок» кушаматлы айгыры 2 минут 25 секундлы күрсәткеч белән икенче урынны алды. «Верный путь» авыл хуҗалыгы артеленең «Буян» кушаматлы юртагы аңардан 4 секундка гына калышты. Өлкән яшьтәге юртаклар ярышында Карл Маркс исемендәге колхозның «Азартный» кушаматлы айгыры да яхшы нәтиҗә күрсәтте.

Фото: архивтан