«Аксубай егетләре» ансамблендә катнашучылар белемнәрен арттырдылар

«Аксубай егетләре» баянчылар ансамбле катнашучылары – Семен Крайнов һәм Глеб Мясников Түбән Кама шәһәрендә узган «Рухият» һәм И.Н. Воронова исемендәге «Яңа исемнәр» Хәйрия фондының мәдәни-белем арттыру программасы проектында катнаштылар. Ансамбль җитәкчесе – Наилә Крайнова.

Мастер-класста балалар яңа белемнәр, кыйммәтле киңәшләр, шулай ук Гнесин исемендәге РАМ доценты, музыкант Семен Шмельковтан мактау һәм хуплау алдылар.

«Якты, талантлы балалар, үз эшләре белән янучы укытучылар! Түбән Камада бары шулай!» – дип язган очрашудан соң үзенең ВКонтакте битендә музыкант.

Фото: Наилә Крайнова архивыннан.