Аксубай балалары шигъри марафонда катнашты

Район укучылары шигъри марафонда зур кызыксыну белән бик актив катнаштылар. Алар үзләренең иҗади, артистлык сәләтләрен күрсәттеләр.

Аксубай һәм авыл китапханәләреннән яшь шигырь укучылар яраткан ел фасылы – кыш турында шигырьләр сөйләделәр. Балалар төрле авторлар – Пушкин, Лермонтов, Тютчев, хәзерге заман шигырьләрен илһамланып укыдылар. Шигъри юлларны декларацияләп, алар эчке хис-кичерешләрен, ак карга, кышкы табигатькә мөнәсәбәтләрен дә җиткерделәр. Марафонда район мәктәпләреннән 30га якын укучы катнашты. Соңыннан һәркайсы Гаилә китапханәсеннән сертификат алды.