Аксубайда террорчылыкны профилактикалау эшен анализладылар
Район Советында район Башкарма комитеты җитәкчесе Алмаз Мингулов рәислегендә террорчылыкка каршы комиссиянең чираттагы утырышы узды.
Утырыш эшендә РФ УФСБ ТР буенча Идарәсенең Чистай шәһәрендәге бүлеге җитәкчесе Рамил Нәҗмиев, район прокуроры вазыйфаларын башкаручы Лариса Горожанкина катнашты.
Комиссиядә катнашучылар район объектларында террорчылыкка каршы чараларны үтәү мәсьәләләре буенча фикер алыштылар.
Районда миграция торышы турында Россия ЭЭМның Аксубай районы буенча җитәкчесе вазыйфаларын башкаручы Илназ Зәйдуллин хәбәр итте.
Район мәгариф бүлеге методисты Сергей Чеверикин мәгариф оешмаларында психологик куркыныч төркемнәре белән профилактик эш алып бару турында сөйләде. Шулай ук район мәгариф учреждениеләренең җаваплы затлары һәм педагог-психологларының катнашуына тукталды.
Утырышта Аксубай шәһәр тибындагы бистәсендә террорчылык һәм экстремизм идеологиясенә каршы профилактик эш алып баруга да игътибар юнәлтелде.
Следите за самым важным и интересным в Telegram-каналеТатмедиа
Нет комментариев