Аксубайда балалар паркын чүп-чардан чистарттылар

Кыш бу паркта барлык каен агачларын да кистеләр. Кар астыннан агач ботаклары, чүп-чар чыкты. Алмаз Мингулов җитәкчелегендә Совет, Башкарма комитет, шулай ук редакция хезмәткәрләре җыештырырга чыктылар. Эшчеләр тырма, көрәк, себерке белән коралланган иде. Берәүләр чүп-чарны җыештырдылар, икенчеләре капчыкларга салып, арбага төяделәр. Ә чүп шулкадәр күп иде, полигонга берничә рейс илтәргә туры килде.

Район оешмалары эшчеләре бергә күңелле һәм тырышып эшләделәр, парк территориясе чистарып калды.