Аксубай ветеринарлары хайваннар котыру авыруына каршы вакциналар тараталар

Таратылган материаллар балык фаршыннан ясалган җим. Бу итле шарчык эчендә сыек вакциналы кечкенә контейнер бар. Кыргый җәнлекләр бу алдагыч җимне исе буенча табалар, аны тешләп карыйлар, һәм контейнердан вакцина авыз куышлыгының лайлалы тышчасына эләгә. Шул рәвешле, хайваннар авыруны профилактикалау өчен бик кирәкле вакцина алалар.

Котыру авыруы – хайваннарның һәм кешенең аеруча куркыныч авыруы. Аңа бик җитди карарга кирәк. Бу авыруга каршы дәвалау эшләнмәгән. Бары тик вакытында башкарылган профилактик эшләр генә авырудан сакланырга ярдәм итә.

Фото ветеринария берләшмәсе архивыннан.