«Aksu-Time» китап укучы яшьләр арасында популярлаша бара

Маҗаралы белемне арттыру уены программасы район үзәгенең яшь китап укучылары арасында гына түгел, ә район авылларында яшәүче кызлар һәм малайлар арасында да популярлаша бара.

Иске Ибрай, Иске Тимошкино авыл китапханәләренә йөрүчеләр Аксубайның тарихи урыннары буйлап виртуаль сәяхәт кылдылар. Командалар биремнәрне уңышлы үтәделәр, киң күзаллау, зур эрудиция һәм иҗади сәләт күрсәттеләр. Шуның белән бергә, балалар Аксубай тарихыннан яңа сәхифәләрне ачтылар, якташ язучылар һәм районның күренекле кешеләре биографияләреннән бик күп фактларны белделәр. Квест ахырында китапханә хезмәткәрләре һәр катнашучыга истәлекле бүләк тапшырдылар.