Аксубаево
  • Рус Тат
  • Волонтер ярдәм итте

    Аксубайда чираттагы санкциясез чүплек юк ителде. - Бистәдә каты көнкүреш калдыклары полигоны булуга карамастан, җирле яшәүчеләр юл янәшәсендәге ташландык урынны чүплеккә әверелдергәннәр, - дип зарланды бистә башкарма комитеты җитәкчесе Владимир Кононов. Бирегә төзелеш калдыклары, сынган агач ботаклары, буш шешәләр, пыяла ватыклары ташлаганнар. Район үзәгендәге Ирек урамында тупланган чүп-чар Аксубай бистәсе...

    Аксубайда чираттагы санкциясез чүплек юк ителде.

    - Бистәдә каты көнкүреш калдыклары полигоны булуга карамастан, җирле яшәүчеләр юл янәшәсендәге ташландык урынны чүплеккә әверелдергәннәр, - дип зарланды бистә башкарма комитеты җитәкчесе Владимир Кононов. Бирегә төзелеш калдыклары, сынган агач ботаклары, буш шешәләр, пыяла ватыклары ташлаганнар.

    Район үзәгендәге Ирек урамында тупланган чүп-чар Аксубай бистәсе башкарма комитетының экология торышын яхшырту буенча берөзлексез хезмәт куйган эшчеләре көче белән җыештырылды. Чүплекне бетерүдә трактор-төягеч хуҗасы Рамил Низаев ярдәм итте.

    - Рамилне экология волонтеры дип атарга була, - дип билгеләп үтте хөкүмәт вәкиле. - Үзенең техникасы белән ул безгә чүп төяп чыгаруда еш ярдәм итә. Аның булышлыгы белән берничә тонна каты көнкүреш калдыкларын җыеп полигонга чыгардык, ярты гектарга якын участокны тигезләдек.

    Бистә хакимияте - экологик торышны яхшыртуда актив позиция алып бара. Экология икеайлыгы башыннан алып башкарма комитет район үзәге оешмалары белән берлектә берничә шимбә өмәсе оештырды һәм үткәрде.

    - Шартлар тудырылуга карамастан, чүпне теләсә кая ташлаучы намуссыз гражданнар табылып тора, - дип ассызыклады Владимир Кононов. - Моның өчен 200 мең сумнан алып штраф санкциясе каралаган. Халык санкциясез чүплекләр турында бистәнең башкарма комитетына хәбәр итә ала.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: