Аксубаево
  • Рус Тат
  • Проблемалар һәм аларны хәл итү турында сөйләштеләр

    Иске Үзи авыл җирлегендә гражданнар җыены район җитәкчелеге катнашында үтте. Авыл җирлеге башлыгы Надежда Айдова җирлектә ел башыннан башкарылган эшләр турында хисап тотты. Торак пунктлардагы чүплекләр, зиратлар һәм үләт базлары территорияләрен төзекләндергәннәр, ведомстводагы учреждениеләр территорияләрен яшелләндерү белән шөгыльләнгәннәр, юл буендагы үләннәрне кыркыганнар һәм анда аунап яткан чүп-чарны җыйганнар. 1 августтан...

    Иске Үзи авыл җирлегендә гражданнар җыены район җитәкчелеге катнашында үтте.

    Авыл җирлеге башлыгы Надежда Айдова җирлектә ел башыннан башкарылган эшләр турында хисап тотты. Торак пунктлардагы чүплекләр, зиратлар һәм үләт базлары территорияләрен төзекләндергәннәр, ведомстводагы учреждениеләр территорияләрен яшелләндерү белән шөгыльләнгәннәр, юл буендагы үләннәрне кыркыганнар һәм анда аунап яткан чүп-чарны җыйганнар. 1 августтан җирлектә урам яктырткычларын санагыч җиһазларга тоташтыру эшен (республика программасы буенча) тулысынча төгәлләгәннәр. Ике километр ярымнан артык озынлыкта 5 үткәргеч сузганнар һәм өстәмә 20 яктырткыч урнаштырганнар. Хәзер җирлектә 48 яктырткыч яна.

    Хәзерге вакытта Иске Үзи урамнарына ком кертү эшләре алып барыла.

    Җирлек буенча җыелган үзара салым акчасы 308 мең сум тәшкил иткән. Димәк, ахыр нәтиҗәдә, республика программасы нигезендә бу сумманың миллион ярым сумга кадәр артуына өметләнергә була. Бу финанс средствосы насос, урамнарны яктырту өчен лампалар сатып алуга, кышын юлларны кардан чистартуга һәм торак пунктларның үзәк урамнарына вак таш салуга тотылачак.

    Гражданнар җыенында суррогат алкоголь сатуга һәм малларның иректә утлап йөрүенә кагылышлы фактлар кискен тикшерелде.


    Беловка авыл җирлегендә үткән гражданнар җыены эшлекле һәм позитив килеп чыкты. Авыл җирлеге башлыгы Илсур Мәхмүтов билгеләп үткәнчә, узган чорда авыл кешеләренең тормыш шартларын яхшырту буенча күп эшләр башкарылган. Беловкада - 450 метр, Яңа Үзидә 1500 метр озынлыкта электрүткәргечләргә реконструкция ясалган, 15 яктырткыч куелган. Яңа Үзидә, Беловкада, Федоровкада, Алексеевкада, Сергеевкада авыл эчендәге юллар торышына зур игътибар бирелгән.

    Ел дәвамында зират территорияләре төзекләндерелгән. Узган елда үзара салым акчасына Яңа Үзи, Алексеевка, Федоровка һәм Сергеевка авыллары урамнарына вак таш җәелгән. Халыктан җыелган һәм республика тарафыннан өстәлгән үзара салым акчасы авыл җирлеге урамнарына вак таш җәюгә китәчәк.

    Алда торган бурычлар: Яңа Үзи ФАПы түбәсен ремонтлау, Яңа Үзи авыл мәдәният йортының җылыту системасын, тәрәзә һәм ишекләрен алмаштыру, Сергеевка авыл клубы түбәсен төзекләндерү, газ казанын алмаштыру, автолавка оештыру һ.б.лар.


    Иске Татар Адәмсуы авыл җирлегенә кергән барлык торак пунктлар халкы Такталы мәдәният йортына җыелды.

    Авыл җирлеге башлыгы Энҗе Хөснуллина үз чыгышында җирлек тормышына кагылышлы актуаль проблемаларга тукталды.

    - Халык авылларны төзекләндерү буенча икеайлыкта актив катнашты, - дип ассызыклады ул. - Шуңа бәйле авыллар территориясе чиста.

    Ул урыннарда шимбә өмәләре оештыруда ярдәм иткән авыл старосталарын билгеләп үтте. Болар - Әсхат Хизбуллин (Иске Татар Адәмсуы), Әсхат Мифтәхов (Яңа Татар Адәмсуы), Хәлим Әхмәтҗанов (Такталы), Госман Гафиятуллин (Түбән Татар Майнасы).

    Халыктан җыелган үзара салым акчасы, республикадан өстәлгәнен дә исәпкә алып, 1 миллион 400 мең сумнан артык тәшкил иткән. Авыл эчендәге урамнарның начар торышта булуын истә тотып, әлеге суммага вак таш җәеп, аларны нормаль хәлгә китерү планлаштырыла.

    Гражданнар җыенында авыл кешеләре үзләрен борчыган мәсьәләләрне күтәрделәр. Шул исәптән, Яңа Адәмсуында су белән тәэмин ителешнең начар булуын да. Моның нәтиҗәсе дә озак көттермәде. Җыеннан соң икенче көнне үк "Ремсельбурвод" белгечләре авылга килеп, скважинаны чистарттылар, суүткәргеч эшен җайга салдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: