Төзелеш мәсьәләләре буенча

Якшәмбе көнне Министрлар Кабинетында "ТР да ТКХны үзгәртеп коруга ярдәм итү фонды турында"гы РФ Законын гамәлгә ашыру мәсьәләләре буенча видеоконференция режимында чираттагы киңәшмә үтте.

Киңәшмәне ТР Президенты Рөстәм Миңнеханов алып барды. Көн тәртибендә мәгариф учреждениеләре объектларын капиталь ремонтлау, фельдшер-акушерлык пунктларын төзү, ремонтлау һәм модернизацияләү, "Чиста су" су белән тәэмин итү объектларын төзү, фатирларда җылыту системаларын урнаштыру, ведомствоара төбәк электрон үзара хезмәттәшлек системасында эшне оештыру программаларын тормышка ашыру мәсьәләләре каралды.
Республика видеоконференциясе тәмамлану белән район башлыгы Камил Гилманов район дәрәҗәсендә төзелеш мәсьәләләре буенча киңәшмә үткәрде.