Уку елы тәмамлануын табигать кочагында билгеләп үттеләр

Сыйныф җитәкчеләре фикеренчә, табигать кочагында булу балаларга ял итәргә һәм яңа тәэсирләр алырга мөмкинлек бирә. Моннан тыш, яшьтәшләре һәм укытучылар белән очрашулар вакытында алар коллективта аралашырга өйрәнәләр, практикада табигатьтә үз-үзеңне тоту кагыйдәләрен үзләштерәләр, билгеле бер тормыш тәҗрибәсе алалар. 

Мондый чаралар вакытында укучылар сыйныф җитәкчеләре белән төрле уеннарда, бәйгеләрдә катнашалар, тирә-юньнең матурлыгына сокланалар. Аларның күңелләрендә моңарчы сыналмаган яңа хисләр туа. Һәм еш кына нәкъ менә шундый минутларда күңелнең беренче дулкынлануы һәм вакыт узу белән Ватанга зур мәхәббәт уяткан кече ватанга карата мәхәббәтнең беренче чагылышлары барлыкка килә.