Районның авыл мәктәбе укучылары Республика фәнни конференциясендә өч диплом алдылар
Иске Үзи гомумбелем бирү учреждениесе укучыларының туган як тарихын өйрәнү буенча тикшеренү эшләре 2 һәм 3 дәрәҗә дипломнар һәм катнашучы дипломына лаек булды
Тәкъдим ителгән эшләргә экспертиза ясалганнан соң эш авторлары аларны яклауга чакырылды. Валентина Питимированың Захаровларның укытучылар династиясенә багышланган эше 2 дәрәҗә диплом белән бәяләнде. Ул шулай ук кыйммәтле бүләк тә алды.
Җиденче сыйныф укучысы Анастасия Трофимова «Мәктәп музейлары. Бер экспонат тарихы» секциясендә лампаларга багышланган эше белән катнашты. Анастасиягә 3 дәрәҗә диплом тапшырылды.
Аның сыйныфташы Полина Казакова туган авылында колхоз оешу тарихын язган. Полина конференциядән катнашучы дипломы белән кайтты.
Конференция призерларын укытучы-остазлар Борис Захаров һәм Татьяна Павлова әзерләгән.
Фото: Иске Үзи мәктәбе архивыннан.
Следите за самым важным и интересным в Telegram-каналеТатмедиа
Нет комментариев